22 de Febreiro de 2017

As chicas e o chico do club de escritura de sexto fixeron este texto que espero que vos guste:

 

entroido by quinif on Scribd

10 de Novembro de 2016

Cartel da exposición sobre a biografía de Manuel María realizada no noso centro.

Cartel da exposición sobre a biografía de Manuel María realizada no noso centro.

No curso pasado, e co gallo de se lle adicar as Letras Galegas a Manuel María, as nosas lecturas en voz alta dos venres se lle adicaron a este autor.

Aínda que estamos nun novo curso, o ano de Manuel María aínda non rematou, así que ata as vacacións de Nadal continuamos realizando os nosos recitados dos venres cos seus versos, tan acaídos para a nosa rapazada.

Pronto rematará este ano adicado ao autor da Terra Cha e comezaremos o ano de Carlos Casares, e as súas galiñas azuis, e as súas laranxas tan, tan, tan laranxas… pero entrementres sigamos disfrutando dos versos de Manuel María.

O noso compañeiro David, gañador do I premio Xosé Neira Vilas de Novela Curta

O noso compañeiro David, gañador do I premio Xosé Neira Vilas de Novela Curta

O noso benquerido compañeiro David, acaba de gañar o I Premio Xosé Neira Vilas de novela curta.

O xurado decidiu que Diario de Brian, o chinés, un relato sobre a discapacidade a escola e a amizade, era a novela que merecía este recoñecemento por transmitir un mundo de emocións, protagonizado por adolescentes que deben enfrontarse a situacións problemáticas.

O xurado destacou  a  habelencia na arquitectura do relato, así como a calidade dos diálogos e a coidada caracterización dos personaxes. Grazas a estas cualidades o texto resulta unha historia apaixoante, que atrapa dende a primeira páxina.

A entrega do premio tivo lugar na sé da Fundación Xosé Neira Vilas, en Gres, o xoves día 3 de novembro, coincidindo coa data de nacemento do escritor das Memorias dun Neno Labrego

A editorial Embora será a encargada de dar ao prelo o Diario de Brian, o chinés, unha obra que esperamos ansiosos para poder expoñela nun lugar de honra da nosa Biblioteca.

Noraboa David

13 de Xullo de 2016

Onte fóisenos un dos máis grandes escritores de literatura infantil e xuvenil, Agustín Fernández Paz, e que ademáis temos a grandísima honra de que fose galego e escribise no noso idioma, poñendo a este nun lugar destacado do panorama actual.
Tivemos a sorte de escoitalo hai uns poucos anos pechando uns encontros do PLAMBE (Plan de Melloras de Bibliotecas Escolares), como sempre ameno, atinado nas súas análises, dándonos azos para seguir traballando pola lectura, polo idioma, polo futuro…
Non podemos deixar de pasar este momento e renderlle unha sentida homenaxe a quen tanto fixo por nós, pero negámonos a decirlle adeus. Xa sabemos todos que Agustín permanecerá connosco, nas nosas bibliotecas, nos seus libros, nos nosos corazóns.
Agustín, deica logo.

Agustín participando nun acto da Plataforma Queremos Galego

Agustín participando nun acto da Plataforma Queremos Galego

 

22 de Abril de 2016

Completando a secuencia de actividades que realizamos sobre o noso autor, agora presentamos un LIM co que podemos comprobar canto aprendemos sobre a vida e obra de Manuel María.

O enlace para ver o exercicio é:

http://www.edu.xunta.es/centros/ceipcondesafenosa/aulavirtual/file.php/38/lim_manuel_maria/manuel_maria.html

Manuel María loitando contra a Marea Negra

Manuel María loitando contra a Marea Negra

11 de Abril de 2016

A vindeira semana celebraremos a festa do libro na que se lembra a morte de Cervantes e de Shakespeare… curioso porque morreron o mesmo día, pero non morreron o mesmo día, e iso por culpa de Julio César e de Gregorio X…

Non vou explicar nada disto, pero se alguén se pasa pola Biblio explicando como é isto posible, publicaremos nun novo artigo a súa aclaración desta aparente contradición.

Mentres tanto andaremos a organizar o noso Mercadiño de Intercambio que se realizará entre os días 19 e 22 de abril. O primeiro día será o día do mercadiño para Infantil, o día 20 para primeiro e segundo de primaria, o día 21 para terceiro e cuarto e o último día, o 22, para quinto e sexto.

Este ano coma novidade cambiamos o dollar habitual por moeda máxica, tal como é de máxica a literatura, así que os nosos cartos son moeda de Howarts, do Banco Gringotts, moeda da que usa Harry Potter e Hermione e Dumbledore… en fin, cartos para mercar soños.

Animádevos e participade!!

moeda intercambio

6 de Abril de 2016

mmft_falandoAchéganse as letras e nós queremos este ano festexar a Manuel María, porque é ben merecedor desta homenaxe que os galegos facemos aos nosos escritores.

Levamos xa un tempo lendo os venres en voz alta os poemas de Manuel María, pero a máis dos seus poemas queremos tamén coñecer outras cousas, onde viviu, quen influíu na súa obra, os detalles da súa vida, as súas loitas, o seu compromiso co idioma de noso…

Por iso fixemos este recurso educativo, que nos vai permitir traballar sobre a figura de Manuel María, achegarnos a ela e así valorala na súa xusta dimensión.

http://www.edu.xunta.es/centros/ceipcondesafenosa/aulavirtual/file.php/38/manuel_maria/index.html

18 de Marzo de 2016

Acabamos de editar un novo número do Barquiño de Papel no que a nosa Biblioteca pretende render unha homenaxe moi sentida e merecida, ao poeta Manuel María Fernández Teixeiro, ao que se lle adican as letras galegas neste ano 2016.

Deixámovos aquí a edición dixital do boletín, que tamén poderedes consultar na Web da biblioteca.

Barquiño de Papel marzo 2016

7 de Marzo de 2016

Actividade de promoción da lectura de Paco Nogueiras no Ceip Condesa de Fenosa do Barco de Valdeorras o 7 de marzo de 2016

Actividade de promoción da lectura de Paco Nogueiras no Ceip Condesa de Fenosa do Barco de Valdeorras o 7 de marzo de 2016

Hoxe nos volveu a visitar Paco Nogueiras dentro das actividades de contacontos de Kalandraka que é unha das actividades de promoción da lectura que máis gusta aos nosos alumnos.
Este ano seguro que teremos a partires de agora moita solicitudes para levar os contos do Pito Cairo, Despois da Chuvia, Cantarolas… porque estas actividades deixan ao alumnado con moitas ganas de ler.
Deixámovos aquí unha imaxe desta actividade que esperamos seguir a celebrar por moitos anos.

30 de Novembro de 2015

Neira Vilas deixounos nesta fin de semana. Como Balbino, ese neno labrego que tanto nos ensinou, quedámonos un pouco máis pobres, máis sós.

Quedanos, iso si, toda a súa obra, eses contos vellos que nos fan rapaces máis novos, esas cartas a Lelo que relemos constantemente, coma se das cartas dun achegado se tratasen, quédanos as marelas tarabelas enchendo a nosa paisaxe de sentimentos fondos.

E alí fican, en Gres, Xosé e Anisia, mirando por nós, ensinándonos a vivir nesta terra triste e fermosa.

Hoxe, sen dúbida, máis triste.

Xosé Neira Vilas e Anisia Miranda

Newer Posts »