22 de Febreiro de 2017

As chicas e o chico do club de escritura de sexto fixeron este texto que espero que vos guste:

 

entroido by quinif on Scribd

17 de Novembro de 2016

Traémovos aquí un vídeo da actividade de contacontos que os alumnos de primaria para achegar a lectura aos compañeiros de infantil.

O conto que nos narran Manuel e Sandra de 4ºB podería ser a Carrapuchiña Vermella… ou non! Se cadra é algo que nin é parecido.

15 de Novembro de 2016

reading_clubDeixámovos aquí o documento gráfico da primeira sesión das nosas lectoras inglesas. Comezaron por un clásico dos contos infantís, Cinderella, na edición da Editorial Luis Vïves, na colección Black Cat, e polo que dicen, a experiencia é moi boa… e o chocolate e as galletas tamén.

Que teñan moi boas lecturas!

10 de Novembro de 2016

Cartel da exposición sobre a biografía de Manuel María realizada no noso centro.

Cartel da exposición sobre a biografía de Manuel María realizada no noso centro.

No curso pasado, e co gallo de se lle adicar as Letras Galegas a Manuel María, as nosas lecturas en voz alta dos venres se lle adicaron a este autor.

Aínda que estamos nun novo curso, o ano de Manuel María aínda non rematou, así que ata as vacacións de Nadal continuamos realizando os nosos recitados dos venres cos seus versos, tan acaídos para a nosa rapazada.

Pronto rematará este ano adicado ao autor da Terra Cha e comezaremos o ano de Carlos Casares, e as súas galiñas azuis, e as súas laranxas tan, tan, tan laranxas… pero entrementres sigamos disfrutando dos versos de Manuel María.

O ano pasado solicitamos convertirnos en colexio plurilingüe, e acadámolo. Como consecuencia disto a administración dotounos cunha lectora estadounidense que, como era de esperar non tardamos nadiña en embaucala para poñer en marcha unha

Dende Clubs de Lectura Dixitais a Reading Clubs... Estamos que nos saímos

Dende Clubs de Lectura Dixitais a Reading Clubs… Estamos que nos saímos

iniciativa de lectura no noso colexio: un Reading Club.

A idea non é máis que facer o que facemos habitualmente nos nosos clubs, acompañar aos nenos na lectura dunha historia (neste caso necesariamente sinxela), comentar os sucesos que van abrollando do seu decurso, reaalizar algunha actividade que nos permita mellorar a comprensión do argumento, compartir, a fin de contas, a nosa paixón pola lectura… pero desta volta en inglés.

Queremos agradecer a Emily Ross, a nosa lectora, a boa disposición con que acolleu a idea e o interese que mostra na posta en marcha da iniciativa.

Así que xa o sabedes, dende agora… Books for dreaming!

O noso compañeiro David, gañador do I premio Xosé Neira Vilas de Novela Curta

O noso compañeiro David, gañador do I premio Xosé Neira Vilas de Novela Curta

O noso benquerido compañeiro David, acaba de gañar o I Premio Xosé Neira Vilas de novela curta.

O xurado decidiu que Diario de Brian, o chinés, un relato sobre a discapacidade a escola e a amizade, era a novela que merecía este recoñecemento por transmitir un mundo de emocións, protagonizado por adolescentes que deben enfrontarse a situacións problemáticas.

O xurado destacou  a  habelencia na arquitectura do relato, así como a calidade dos diálogos e a coidada caracterización dos personaxes. Grazas a estas cualidades o texto resulta unha historia apaixoante, que atrapa dende a primeira páxina.

A entrega do premio tivo lugar na sé da Fundación Xosé Neira Vilas, en Gres, o xoves día 3 de novembro, coincidindo coa data de nacemento do escritor das Memorias dun Neno Labrego

A editorial Embora será a encargada de dar ao prelo o Diario de Brian, o chinés, unha obra que esperamos ansiosos para poder expoñela nun lugar de honra da nosa Biblioteca.

Noraboa David

13 de Xullo de 2016

Onte fóisenos un dos máis grandes escritores de literatura infantil e xuvenil, Agustín Fernández Paz, e que ademáis temos a grandísima honra de que fose galego e escribise no noso idioma, poñendo a este nun lugar destacado do panorama actual.
Tivemos a sorte de escoitalo hai uns poucos anos pechando uns encontros do PLAMBE (Plan de Melloras de Bibliotecas Escolares), como sempre ameno, atinado nas súas análises, dándonos azos para seguir traballando pola lectura, polo idioma, polo futuro…
Non podemos deixar de pasar este momento e renderlle unha sentida homenaxe a quen tanto fixo por nós, pero negámonos a decirlle adeus. Xa sabemos todos que Agustín permanecerá connosco, nas nosas bibliotecas, nos seus libros, nos nosos corazóns.
Agustín, deica logo.

Agustín participando nun acto da Plataforma Queremos Galego

Agustín participando nun acto da Plataforma Queremos Galego

 

7 de Xuño de 2016

Este ano fixemos un pouco de todo, cine, poemas, e… un conto sobre un pan marabilloso que SOABA!!!
A ver se vos gusta:

A frauta de pan

20 de Abril de 2016

Como xa se ven celebrando dende hai uns cantos anos, este día do libro organizamos a nosa feira de intercambio de libros usados. As datas deste ano son dende o 19 ata o 22 de abril, en edicións para infantil, 1º, 2º e 3º ciclo de primaria.

Como sempre a participación é moi alta, e as mesas do mercado están ateigadas de libros que esperan cambiar de mans e darnos moi bos momentos de lectura.

Deixámovos unha imaxe do mercadiño preparado para o intercambio dos nenos e nenas de 1º ciclo, e animarvos a participar nesta feira que dá nova vida aos nosos libros.

Mercadiño libros 2016

11 de Abril de 2016

A vindeira semana celebraremos a festa do libro na que se lembra a morte de Cervantes e de Shakespeare… curioso porque morreron o mesmo día, pero non morreron o mesmo día, e iso por culpa de Julio César e de Gregorio X…

Non vou explicar nada disto, pero se alguén se pasa pola Biblio explicando como é isto posible, publicaremos nun novo artigo a súa aclaración desta aparente contradición.

Mentres tanto andaremos a organizar o noso Mercadiño de Intercambio que se realizará entre os días 19 e 22 de abril. O primeiro día será o día do mercadiño para Infantil, o día 20 para primeiro e segundo de primaria, o día 21 para terceiro e cuarto e o último día, o 22, para quinto e sexto.

Este ano coma novidade cambiamos o dollar habitual por moeda máxica, tal como é de máxica a literatura, así que os nosos cartos son moeda de Howarts, do Banco Gringotts, moeda da que usa Harry Potter e Hermione e Dumbledore… en fin, cartos para mercar soños.

Animádevos e participade!!

moeda intercambio

Newer Posts »